Hanginimakamay

Nagkita sina Kakashi at Naruto sa training field upang tulungan si Naruto na gumawa ng sariling natatanging jutsu. Ipinaliwanag ni Kakashi ang mga prinsipyo sa paggamit ng elemental nature at pagdagdag nito sa chakra upang mabago ito, gamit ang Rasengan ni Naruto bilang magandang halimbawa. Dahil hindi alam ni Naruto ang kanyang nature, ipinaliwanag ni Kakashi ang limang pangunahing nature—Earth, Fire, Water, Wind, at Lightning. Napagtanto ni Naruto na may dalawang nature si Sasuke Uchiha dahil kaya nitong gumamit ng Fire at Lightning jutsu. Gumamit si Naruto ng espesyal na litmus paper upang matuklasan na ang kanyang nature ay Wind. Dumating si Yamato at tinanong si Naruto tungkol sa kanyang nature at ipinakita ang Wood style na kumbinasyon ng Earth at Water chakra. Sinabi ni Kakashi na ang pagsasama ng dalawang nature upang makalikha ng ibang nature ay posible lamang sa mga may kekkei genkai tulad ni Haku sa Ice style. Ipinaliwanag ni Kakashi na tutulungan niiya si Naruto na paikliin ang kanyang training gamit ang shadow clones dahil ang user ng clone ay naaalala ang mga karanasan ng mga clones kapag sila ay na-dispel. Dahil sa chakra mula sa Nine Tailed Fox, mas malaki ang chakra ni Naruto kaya mas marami at mas matagal ang kanyang clones. Sinabi ni Yamato na kapag naubos ang chakra ni Naruto, maaaring ma-trigger ang Nine Tails kaya nararapat siyang naroroon para supilin ito kung kailangan. Gumawa si Naruto ng maraming shadow clones at binigyan ni Kakashi sila ng dahon. Inatasang hatiin gamit ang wind chakra lang ang dahon. Nagulat si Naruto nang halos kalahati na ang naihati niya agad, at sinabi ni Kakashi na baka hindi naman maging mahaba ang kanilang training.