Nagulat ang mga diyos ng bawat uniberso?! Mabubura ang mga talunan sa Tournament of Power

Ipinaliwanag ng Grand Minister ang mga detalye ng "Tournament of Power" at sinabing gaganapin ito sa "Null Realm", isang kawalan kung saan makakalaban ang mga kalahok nang buong lakas, at idinagdag na ang magwawagi ay maaaring gumamit ng Super Dragon Balls habang ang mga talunang uniberso ay buburahin sa pag-iral. Ibinunyag din ng Grand Minister na si Goku at dalawa pang mandirigma ang lalahok laban sa tatlong mandirigma mula sa Ika-siyam na Uniberso sa isang Zeno Expo para sa kapakinabangan ng Future Grand Zeno. Matapos umalis ang Grand Minister upang bigyan sila ng isang oras na paghahanda, galít na sinisi ni Beerus si Goku dahil sa kaniyang katangahan habang ipinaliwanag ni Whis na magiging mapanganib ang subukang kumbinsihin ang mga Zeno na huwag ituloy ang torneo. Inutusan ni Beerus si Goku na akuin ang responsibilidad sa kaniyang mga ginawa at i-recruit ang dalawa niyang kasamahan, kaya una niyang kinuha si Gohan sa mungkahi ni Vegeta. Sumama si Gohan matapos siyang hikayatin ni Videl na makilahok at matapos niyang malaman ang magiging kapalit ng pagkatalo, at sinabi niya sa kaniyang ama na ilihim ang mga nakataya upang maiwasan ang malawakang pagkatakot. Inirekrut din ni Goku si Majin Buu, na sinamahan ni Mr. Satan, at nagtungo ang grupo sa palasyo ng mga Zeno kung saan nagtipon ang lahat ng mga diyos at anghel. Ipinaliwanag ng Grand Minister ang layunin ng Zenō Expo, na nagpapahiwatig na maaaring burahin ng mga Zeno ang mga hindi karapat-dapat sa Tournament of Power mula sa mga mandirigma. Sa unang laban ng Zenō Expo, hinarap ni Majin Buu ang mukhang-lobo na kalahok ng Trio of Danger mula sa Ika-siyam na Uniberso.