Sumabog ang Galit! Aakayin Ko Lahat sa Akin!

Habang nag-eenjoy kasama ang tripulante, nagulat si Oden nang malaman ang karamdaman ni Roger at may tinatayang isang taon na lang siyang mabubuhay. Naglakbay ang Roger Pirates sa Grand Line at bumisita sa ilang mga isla. Umakyat sila sa Knock Up Stream papuntang Skypiea at natuklasan ang sinaunang lunsod ng gintong Shandora. Nandun nila natagpuan ang pambansang kayamanan, ang kampanilya, pati na rin ang isang Poneglyph. Matapos matutunan ang tungkol sa Ancient Weapon, Poseidon, inutusan ni Roger si Oden na isulat ang mensaheng makikita ni Robin makalipas ang dalawampung taon. Nang magpasya si Roger na hanapin ang Road Poneglyphs, ipinaliwanag nina Oden, Dogstorm, at Cat Viper na naroroon ang isa sa Zou at sa Land of Wano, at nakuha na ni Roger ang kopya ng isa pang Road Poneglyph na pagmamay-ari ni Big Mom; ang Roger Pirates ay nakahanap na ng tatlo sa apat na Poneglyphs na kailangan upang mahanap ang huling isla. Naglayag sila patungong Water 7, nakipagkita kay Tom para sa repairs ng barko, kung saan nakilala ni Oden ang batang si Franky na hindi siya pinansin. Pagkatapos ay dumaan ang Roger Pirates sa Tequila Wolf at Sabaody Archipelago bago pumunta sa Fishman Island. Sa kanilang pagbaba, narinig ni Oden ang mga boses ng Sea Kings katulad ni Roger. Sa Fishman Island, nakuha ng Roger Pirates ang kopya ng isang Road Poneglyph sa Sea Forest ng Ryugu Kingdom habang ang batang Madam Shyarly ay naghulaan na ang Ancient Weapon na Poseidon ay ipapanganak sa loob ng sampung taon.