Desperadong Pagsusumikap vs. Desperadong Pagsusumikap! Hollowfied na si Ichigo

Natutuwa si Grimmjow na buong lakas na nakikipaglaban si Ichigo kaya inilabas niya ang kanyang zanpakutou. Nagpatuloy ang kanilang laban, dahan-dahan na nanghihina si Ichigo dahil kay Grimmjow kahit nagagamit niya nang mas matagal ang kanyang hollow mask kaysa dati. Pinanonood nina Espada Tia Halibel at ang kanyang mga Fracción na ang Tres Bestias (sila ay sina Emilou Apacci, Franceska Mila Rose at Cyan Sung-Sun) ang labanan at nagbigay ng kanilang komento. Sinabi ni Halibel na natural lang na matakot sila kay Grimmjow at Ichigo dahil mas kamukha ito ng laban sa pagitan ng dalawang Espada kaysa sa iba pa. Natakot si Orihime sa anyo ni Ichigo dahil sa hollow mask niya, kaya ayaw niya manood ng labanan, ngunit nang pagsabihan siya ni Nel, napagtagumpayan niya ang takot at sinigawan si Ichigo, na nagbigay sa kanya ng lakas upang tamaan si Grimmjow sa dibdib.